A IV Feira Profesional de Maquinaria, Agricultura e Gandería representa un punto de encontro inmellorable para estimular a actividade comercial e xerar negocio nun momento clave para o sector primario e todos cantos o conforman.

Tras o seu aprazamento en 2021 debido á crise sanitaria derivada da Covid-19, o certame recuperará as súas fortalezas para seguir medrando. Conta, para iso, co respaldo dos seus resultados en 2019 e co interese de profesionais e empresas por volver contar con este necesario espazo de interacción. 

A unión dos tres sectores nun só certame suporá máis que nunca unha vantaxe para que os visitantes satisfagan todas as súas demandas nun só evento. Ademais, apostará por un potente programa de actividades no que non faltarán os seus importantes concursos gandeiros e de innovación.